Bybelkunde en Geloofsleer
Graad 8 · Leerderhandboek + Memorandum
Kurrikulum › Graad 8 › Bybelkunde en Geloofsleer
📖 Voorskou
10 bladsye uit die leerderhandboek
Hierdie boek neem die leerder deur die geskiedenis van die Ou Testament: van die skepping, deur die vloed en die aartsvaders, die uittog uit Egipte, die land Kanaän, die konings en die profete, tot by die terugkeer uit die ballingskap.
Dit is nie 'n klomp los stories nie, maar een groot geskiedenis: die geskiedenis van die verbond wat God met sy volk sluit, en wat heen wys na ons Here Jesus Christus.
Bestel
- Leerderhandboek: 360 bladsye, 120 lesse
- Onderwysersmemorandum (vir die ouer/onderwyser): 73 bladsye
- PDF-aflaai: ná betaling kry jy aflaaiskakels vir die leerderhandboek én die memorandum (elke lêer 5 keer binne 30 dae).
- Gedrukte kopie: een gedrukte memorandum is gratis ingesluit, ongeag hoeveel leerderhandboeke bestel word. Word deur The Courier Guy afgelewer. Tans uit voorraad.
- Ekstra gedrukte memorandum (R 200,00 elk): slegs saam met die gedrukte leerderhandboek. Tans uit voorraad.
Inhoud
120 lesse in vier dele, elk met 'n assessering ná lesse 30, 60, 90 en 120:
- Lesse 1–30: Die God van die verbond – skepping tot die aartsvaders
- Lesse 31–60: Die verbondsvolk gevorm – Josef tot die beloofde land
- Lesse 61–90: Die land en die koninkryk – Bileam tot Salomo
- Lesse 91–120: Afval, ballingskap en herstel – van Salomo tot Maleagi
Elke les
- Oggendgodsdiens: 'n kort Bybellesing met verduideliking en gebedspunte vir die leerder se eie stiltetyd in die oggend.
- Skriflesing: die leerder lees die hele gedeelte eers self in sy Bybel; die belangrikste verse word in die les aangehaal.
- Die les: die leerstof self, met tussenopskrifte.
- Verbondslyn: hoe die les by God se verbond inpas, en wat ons belydenis daaroor sê.
- Memoriseer: 'n vers om uit die kop te leer (ook vir die assesserings).
- Vrae: vrae om in volsinne in die werkboek te beantwoord.
Die onderrig staan op die grondslag van die Drie Formuliere van Eenheid: die Nederlandse Geloofsbelydenis, die Heidelbergse Kategismus en die Dordtse Leerreëls. Alle Skrifaanhalings kom uit Die Boerevertaling.
Die memorandum
Die onderwysersmemorandum is vir die ouer of onderwyser. Dit bevat die vrae van elke les met voorgestelde antwoorde, en die vier assesserings met puntetoekenning en antwoorde. Met drie lesse per week word die jaar in ongeveer veertig weke voltooi.