Bybelkunde en Geloofsleer
Graad 10 · Leerderhandboek + Memorandum
Kurrikulum › Graad 10 › Bybelkunde en Geloofsleer
📖 Voorskou
10 bladsye uit die leerderhandboek
Hierdie jaar bestudeer die leerder die Heidelbergse Kategismus, Sondag vir Sondag, van ons enigste troos in lewe en sterwe tot by die laaste woord van die Onse Vader. Die kategismus volg die gang van die brief aan die Romeine: eers ons sonde en ellende, dan ons verlossing deur Jesus Christus, en laastens ons dankbaarheid.
Op die pad leer die leerder ook wat die kerk is, wat die sakramente van die doop en die nagmaal beteken, en hoe Christus sy kerk deur die ampte regeer. Waar 'n kategismusvraag aangedui word, leer die leerder ook daardie vraag en antwoord woordeliks.
Bestel
- Leerderhandboek: 270 bladsye, 120 lesse
- Onderwysersmemorandum (vir die ouer/onderwyser): 74 bladsye
- PDF-aflaai: ná betaling kry jy aflaaiskakels vir die leerderhandboek én die memorandum (elke lêer 5 keer binne 30 dae).
- Gedrukte kopie: een gedrukte memorandum is gratis ingesluit, ongeag hoeveel leerderhandboeke bestel word. Word deur The Courier Guy afgelewer. Tans uit voorraad.
- Ekstra gedrukte memorandum (R 200,00 elk): slegs saam met die gedrukte leerderhandboek. Tans uit voorraad.
Inhoud
120 lesse in vier dele, elk met 'n assessering ná lesse 30, 60, 90 en 120:
- Lesse 1–30: Ons enigste troos, ons ellende en die begin van ons verlossing (Sondag 1–11)
- Lesse 31–60: God die Seun en God die Heilige Gees (Sondag 12–22)
- Lesse 61–90: Regverdiging, die sakramente en die sleutels (Sondag 23–31)
- Lesse 91–120: Die dankbaarheid – die wet en die gebed (Sondag 32–52)
Elke les
- Oggendgodsdiens: 'n kort Bybellesing met verduideliking en gebedspunte vir die leerder se eie stiltetyd in die oggend.
- Skriflesing: die leerder lees die hele gedeelte eers self in sy Bybel; die belangrikste verse word in die les aangehaal.
- Die les: die leerstof self, met tussenopskrifte.
- Verbondslyn: hoe die les by God se verbond inpas, en wat ons belydenis daaroor sê.
- Memoriseer: 'n vers om uit die kop te leer (ook vir die assesserings).
- Vrae: vrae om in volsinne in die werkboek te beantwoord.
Die onderrig staan op die grondslag van die Drie Formuliere van Eenheid: die Nederlandse Geloofsbelydenis, die Heidelbergse Kategismus en die Dordtse Leerreëls. Alle Skrifaanhalings kom uit Die Boerevertaling.
Die memorandum
Die onderwysersmemorandum is vir die ouer of onderwyser. Dit bevat die vrae van elke les met voorgestelde antwoorde, en die vier assesserings met puntetoekenning en antwoorde. Met drie lesse per week word die jaar in ongeveer veertig weke voltooi.